Það var líf og fjör hér í skólanum á föstudagskvöldið! Þá var haldin hátíð þar sem allir nemendur skólans tóku þátt og settu á svið leikverk, byggð á ævintýrum H.C.Andersen. Að vanda var fullt út úr dyrum og stemningin hreint frábær á sýningunni. Krakkarnir toppuðu sjálfan sig og hvert og eitt þeirra var sigurvegari kvöldsins. Tónlistarvalið flutti söngatriði sem voru mjög flott og metnaðarfull!
Foreldrar og nemendur í 10. bekk héldu utan um kaffiveitingar, undirbúning fyrir þær og frágang í sal á eftir. Þar var svo sannarlega engum í kot vísað!
Takk öll sem komuð til okkar og nutu þessa alls með okkur.
Við erum virkilega stolt af árshátiðinni okkar 2017.
Meðfylgjandi er leikskrá kvöldsins (í tveimur hlutum) og nokkrar myndir!
