Dagur íslenskrar tungu er haldinn hátíðlegur ár hvert á fæðingardegi Jónasar Hallgrímssonar sem er 16. nóvember. Dagurinn er helgaður íslenskri málrækt og eru ýmis verkefni unnin í skólunum okkar tengd deginum.
Hjónin Gunnar Helgason og Björk Jakobsdóttir komu til okkar í upphafi dags og lásu upp úr ný útkomum bókum sínum. Hér má sjá kynningu á bók Gunnars og hér má sjá bók Bjarkar, miðað við sýnan áhuga eru eflaust margir krakkar með þessar bækur á jólagjafaóskalista.
1.-5. bekkur endaði dagskránna okkar með því að syngja lagið á íslensku má alltaf finna svar.
Við óskum ykkur til hamingju með daginn og minnum um leið á hlutverk ykkar sem fyrirmyndir í notkun íslenskunnar, bæði í töluðu máli en ekki síður í tengslum við lestur. Böðum börnin okkar í fallegum, skrýtnum, áhugaverðum orðum. Lesum fyrir þau bækur sem þið kunnuð vel að meta þegar þið voruð ung, spyrjum þau út í textann, njótið samverunnar án snjalltækja sem vilja trufla nándina og tengslin okkar.
