Miðvikudaginn 9. nóvember tóku nemendur í heimilisfræðivali þátt í sláturgerð í eldhúsinu á Laugalandi undir dyggri stjórn Dýrfinnu Ólafsdóttur og Berglindar Másdóttur. Slátur er hollur og góður matur og því upplagt að læra hvernig maður ber sig að við að búa til þennan þjóðlega mat. Krakkarnir stóðu sig með miklum sóma og vannst bæði hratt og vel.  Næstu daga fá allir nemendur og starfsfólk skólans slátur í hádegismat.