Fréttir

Þorrablót skólans

Í dag, fimmtudaginn 18. janúar var borinn fram þorramatur í skólanum. Allir nemendur og starfsfólk skólans kom saman í matsalnum þar sem þeir gengu að glæsilegu hlaðborði. Látið var vel af matnum og gengu allir saddir frá borðum.

Veitt voru verðlaun fyrir bestu þorrabotnana sem nemendur hafa samið í vikunni.  Þar er áhugavert að sjá hve nemendur hafa gaman af að semja botna enda margir góðir sem skiluðu sér inn.

Eftirfarandi botnar urðu fyrir valinu:

1.-4. bekkur

Hertur fiskur, haus af kind

og hangikjötið góða

Þorrinn hefur mikinn vind

Það gerir alla óða.

Höfundur: Elísabet, 3. bekk

 

5.-7. bekkur

Margt ég gott í magann fæ

á miðjum þorra.

Sé ég þig á þessum bæ

Á hestinum Orra.

Höfundur: Edda Margrét, 6. bekk

 

8.-10. bekkur

Súra punga, saltað ket

Sit ég nú og borða

Þú getur ekki farið fet

Þó fljótt þér viljir forða.

Höfundur: Gísella, 9. Bekk

Skondnasti botninn

Hertur fiskur, haus af kind

og hangikjötið góða.

Að borða haus af kind er synd

þarf að drífa mig, kartöflurnar sjóða.

Guðlaug Birta, 6. bekk

 

Þorraþrællinn 2018

Súra punga, saltað ket

sit ég nú og borða.

Einhver gefur frá sér fret

Gott er sér að forða.

Sunna Hlín, 6. bekk

IMG_0188 h hIMG_0142 hIMG_0146 hIMG_0151 hIMG_0160 hmaturIMG_0163 æ

css.php